ТР Хезмәт министрлыгы: Татарстанда эшсезләр саны артты

1 мартка рәсми рәвештә теркәлгән эшсезләр саны 10 242 булса, 22 апрельгә алар 10 757гә җиткән. Бу хакта шимбә киңәшмәсендә ТР Хезмәт, мәшгульлек һәм социаль яклау министры Эльмира Зарипова сөйләде.

Шул ук вакытта тәкъдим ителгән вакансияләр саны 6 тапкыр күбрәк - 61 252, чөнки җәйге чорда эшче көчләргә ихтыяҗ арта бара, дип билгеләп үтте ул. Барлык тәкъдимнәрнең өчтән бере төзелеш өлкәсенә туры килә.

Ведомство мәгълүматларына караганда, агымдагы елның гыйнвар-февраль айларында республикада уртача хезмәт хакы 46 мең сумнан артып киткән, әмма 847 предприятие яшәү минимумыннан түбәнрәк хезмәт хакы түли (бу-13 890 сум).