Торак-коммуналь хезмәтләргә тарифлар үзгәрә

Электр энергиясе. Бер ставкалы тариф буенча татарстанлылар бергә 4,68 сум/квт сәг түләячәк. Авыл җирендә яшәүчеләр өчен бәя 3,28 сум/кВт сәг булачак, ә электр плитәләре һәм электр җылытуы булган йортларда яшәүчеләр өчен - 3,58 сум/кВт сәг.

Газ. Газга ваклап сату бәясе 53 тиенгә артачак һәм бер кубометры өчен 6,78 сум тәшкил итәчәк. Кыш башыннан Россиядә газга күпләп сату бәясе 8,5% ка артачак.

Су һәм җылыту. Хезмәт күрсәтүче оешмага карап, тариф үсеше төрлечә булачак.

Каты көнкүреш калдыклары чыгару. Республиканың көнбатыш зонасы өчен тариф кубометры 440,37 сум, көнчыгыш зонасы өчен бер кубометры 440,39 сум дәрәҗәсендә билгеләнгән.