Татарстанда яшьләр сәясәте лидерлары арасында социаль ипотека буенча 49 фатир уйнатылачак

Бүгенге көннән Татарстанда социаль ипотека программасы буенча торак алуга яшьләр сәясәте лидерлары арасында конкурсның заявка кампаниясе ачылды. Бу хакта бүген “Татар-информ” мәгълүмат агентлыгында узган матбугат конференциясендә яшьләр эшләре буенча министрның беренче урынбасары Тимур Сөләйманов хәбәр итте.

«Конкурс республикада 2011 елдан бирле уздырыла. Быелдан студентлар, аспирантлар, яшь белгечләр соципотека буенча ташламалы шартларда торак алуга дәгъва итә ала. Төп шарт - үз югары уку йортында, районында, учреждениесендә яшьләр сәясәтен гамәлгә ашыруда катнашу. Конкурста, торак хокуклары объектларында гаиләнең бер әгъзасына гомуми мәйданы 18 квадрат метрдан кимрәк булган 18 яшьтән 30 яшькә кадәрге кешеләргә катнашу рөхсәт ителә ", - диде ул.

Спикер билгеләп үткәнчә, социаль сораштыру мәгълүматларына караганда, 30 яшькәчә кешеләрнең 60 проценттан артыгы торак мәсьәләсен хәл итүдә яшьләргә ярдәм күрсәтүдә дәүләтнең төп ролен күрә.

Ел саен конкурс нәтиҗәләре буенча социаль ипотека программасында катнашу хокукы алган 49 җиңүче билгеләнә. Узган ел нәтиҗәләре буенча 245 җиңүче бәхетле фатир хуҗалары булды. Гариза бирү кампаниясе 2020 елның 31 июленә кадәр дәвам итәчәк.