Татарстанда урманнарның янгын куркынычы югары булу сәбәпле, шторм кисәтүе игълан ителде

Республика халкына, аерым алганда, Яшел Үзән районында яшәүчеләргә ут белән эш иткәндә сак булырга, үсемлекләр күп үскән урыннарда учакларны якмаска һәм утны караучысыз калдырмаска кирәк. Урманда һәм аланнарда шешәләр калдырмаска, табигатьтә тәмәке тартудан баш тартырга кирәк.

Чәршәмбе, 12 майда, Татарстанда алмашынучан болытлы һава көтелә, төнлә термометр баганасы Цельсий буенча +9 градуска кадәр төшәргә мөмкин, көндез +28 градуска кадәр күтәрелергә мөмкин. Пәнҗешәмбе, 13 майда, көндез һава +29 градуска кадәр җылынырга мөмкин.