Татарстанда тәүлеккә 25 яңа коронавирус очрагы теркәлде

25 яңа очракның 2се хастаханәгә озатылган, 23 е өйдә дәвалана.

Тәүлек эчендә Татарстанда таҗ инфекиясе белән зарарлануның 25 яңа очрагы ачыкланды. Бу хакта оператив штаб хәбәр итә. Узган тәүлектә - 63 кеше савыккан.

Яңа очраклар Казанда (14), Саба (3), Яшел Үзән һәм Әлмәт (2), Буа, Биектау, Лаеш һәм Питрәч (1) районнарында теркәлгән.

Татарстанда пандемия башланганнан бирле коронавирусның 6974 очрагы исәпләнә, 71 кеше үлде, 5898 терелде, шул исәптән 123 тәүлектә.