Татарстанда соңгы тәүлектә 95 кеше савыккан

Татарстанда тәүлеккә 46 яңа коронавирус очрагы теркәлгән, барысы да авыру белән элемтәдә булган, дип хәбәр итте COVID-19 таралуга каршы көрәш буенча оператив штаб.
6 кеше хастаханәгә озатылган, 40ы - өйдә дәвалана.

Казанда 28 авыручы ачыкланган, безнең Яшел Үзән районында, Яр Чаллыда һәм Әлмәт районында - 3әр авыру. Икешәр - Нурлат һәм Саба районнарында. Буа, Биектау, Лениногорск, Менделеевск һәм Питрәч районнары берәр авыруны ачыкладылар.

ТРда тәүлек эчендә 95 кеше, пандемия чорында 7 439 кеше сәламәтләнде.
Барлыгы Татарстанда 8 374 СОVID-19 очрак теркәлгән.