Татарстанда салкын һәм көчле яңгырлар көтелә
Бу атнада Татарстанда яңгырлар, яшенле һәм көчле җилле тотрыксыз һава торышы көтелә. 31-34 градуска кадәр югары температураларны җомга көннән салкыннар алыштырачак.
Пәнҗешәмбе көнне һава торышы бик җылы һәм тотрыксыз булачак. Кыска вакытлы яңгырлар, яшенле яңгыр явуы ихтимал, аерым районнарда яңгыр һәм көчле җил көтелә. Төнлә һава температурасы - +15 - +21 градус, көндез - +24 - +31 градус.
Татарстан синоптиклары хәбәр иткәнчә, җомга көнне һава торышының сизелерлек үзгәрүе көтелә. Әйтик, 23 июльдә көндез +21 - +26 градустан артык түгел, ә 24енче числода +19 - +24 градустан артык булыр дип көтелә. Шул ук вакытта үзәк һәм көнчыгыш районнарда тотрыксыз һава торышы саклана: яңадан яңгырлар, яшенле һәм көчле җил фаразлана.
Следите за самым важным и интересным в Telegram-каналеТатмедиа
Нет комментариев