Татарстанда коронавирусның 84 яңа очрагы ачыкланды

Бу хакта коронавируска каршы көрәш буенча төбәк оператив штабы хәбәр итә. Тик бер яңа очрак читтән килеп чыга, калганнары – контактта булганнар. Яңа йоктырганнардан 28 кеше хастаханәгә озатыла, 56 кеше өйдә җиңел яки симптомсыз формада дәвалана. Авыручылар арасында - өч балигъ булмаган бала һәм 60 яшьтән өлкәнрәк 29 кеше бар.

51 яңа COVID-19 очрагы - Казанда, унысы - Апас районында, сигезе - Яр Чаллыда, бишесе - Биектау районында, дүртесе - Түбән Кама районында, икешәр - Яшел Үзән һәм Лаеш, берешәр - Зәй һәм Тукай районнарында теркәлгән. Татарстанда бүгенге көнгә СОVID-19 очрагы 2 меңнән артып китте. 1 меңнән артык кеше савыкты, шул исәптән 163 тәүлек эчендә. Җиде авыру үлде.