Татарстанда коронавирусның 3665 очрагын теркәгәннәр

Соңгы тәүлектә Татарстанда коронавирус белән авыруның 54 очрагы ачыкланган. Хастаханәдән 20 кеше чыгарылган.

Бер читтән килгән очрак, 53е – контактта булган. Аларның 12 се хастаханәгә озатылган, 42 се өйләрендә дәвалана.
Иң күп кеше, элеккеге кебек үк, Казан шәһәрендә - 35, Чаллыда - 10 кеше. Азнакай, Лаеш, Лениногорск, Менделеевск, Нурлат, Балык Бистәсе, Саба һәм Яшел Үзән районнарында авыруларның бер очрагы теркәлгән.

Бүген, 9 июньдә, Татарстанда 3665 СОVID-19 очрагы теркәлгән. Бөтен чор эчендә 2748 кеше (COVID-19 диагнозы белән расланган), шул исәптән 35 кеше узган тәүлектә, терелгән. 906 кеше дәвалана.