Татарстанда көчле кар һәм буран көтелә

Республика территориясендә һәм Казанда иртән һәм көндез көчле кар явуы һәм буран көтелә, юлларда күз күреме начарлана. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Синоптиклар республика халкын бозлавык булуы һәм юллардагы кар көртләре турында кисәтә.

Җилнең тизлеге секундына 15тән 20 метрга кадәр җитәчәк.

Фото: архив/Салават Камалетдинов