Татарстанда илнең 17 төбәге катнашында Россия мәктәп укучылары хәрәкәтенең Бөтенроссия форумы старт алды

Форумга Татарстан Республикасының барлык муниципаль берәмлекләреннән һәм илнең 17 төбәгеннән 1000нән артык хәрәкәтнең активисты килде. Катнашучыларның яше - 12 яшьтән 17 яшькә кадәр. Ачылу тантанасында Россия Федерациясе Президентының Идел буе федераль округындагы тулы вәкаләтле вәкиле урынбасары Олег Машковцев, Россия мәктәп укучылары хәрәкәтенең башкарма директоры Ирина Плещева, Татарстан Республикасы яшьләр эшләре министры Дамир Фәттахов катнашты.

Форумны ачып, Олег Машковцев экология темасының ил өчен әһәмиятен ассызыклады. "Идел буе һәрвакыт җәйге чорда мәктәп укучыларына үз сәләтләрен күрсәтү өчен бөтен мөмкинлекләр бирелүе белән дан тоткан. Монда сез фикер алышкан мәсьәләләр ил өчен, сезнең төбәкләрне үстерү өчен мөһим. Президент Владимир Путин сезне - яшь кешеләрне, укучыларны экология мәсьәләләренә: акцияләргә, ирекле инициативаларга җәлеп итүнең мөһимлеген берничә тапкыр билгеләп үтте. Сезне күрсеннәр, сезгә колак салсыннар өчен. Чынлыкта, безнең экология, безнең шәһәрләрнең, безнең пространствоның чиста булуы мөһим ", - диде ул.

Чара «Leaders Biler Forum» Х Халыкара яшьләр мәгариф форумы мәйданчыгында уздырыла.
Дамир Фәттахов Татарстан Республикасында форумны уздыруның зур әһәмиятен билгеләп үтте. "Илнең иң яхшы яшь экоактивистларын "Экотренд" беренче бөтенроссия форумында җыю безнең өчен зур дәрәҗә. Үсмерләр белән очрашуларда мин еш кына төп темаларның берсен - әйләнә-тирә мохит турында кайгыртуны ишетәм. Бу яшьләрнең төгәл һәм аңлаешлы соравы. Һәм без бу сорауга РДШ белән бергә җавап бирәбез. Биредә Россиянең 17 төбәгеннән 1000нән артык яшь һәм актив яшьләр җыелган. Ышанам ки, бу форум бу өлкәдә яшьләр үсешенә яхшы этәргеч бирәчәк. Белемнәр, социаль элемтәләр - болар барысы да балаларга үз шәһәрләрендә һәм төбәкләрендә уңайлырак тормыш тудырырга ярдәм итәчәк”, - дип йомгаклады Дамир Фәттахов.
Форум программасында #немузеймусорадан мастер-класс, экология һәм чаралар өлкәсендә әйдәп баручы федераль экспертлардан лекцияләр, спорт уеннары буенча чемпионатлар, интеллектуаль турнир һәм «SeletVision» концерт программасы яшьләргә үз талантларын ачарга ярдәм итәчәк. Катнашучылар экологиянең аеруча актуаль мәсьәләләре белән таныша һәм аларны хәл итү турындагы тәкъдимнәрен формалаштырачак.

"Сез безнең җирне бармак очларында тоючылар. Менә шушы җир, Ватан һәм тамырлар белән бәйләнеш - безнең бүгенге буынны тасвирлый торган нәрсә. Сез үз иртәгезне нәни принц кебек башлыйсыз: торасыз, үзегезне тәртипкә китерәсез, ә аннары планетаны да! Әгәр дә сез хәзер моны даими гадәткә кертсәгез, үз өегезгә, үз төбәкләрегезгә кайткач бу белемнәрне бармак очларында үз мисалларыгыз белән тапшырырсыз икән, безнең ил һәм аның нинди булачагы өчен безгә бөтенләй дә оят булмаячак. Экология - ул киләчәк турында түгел. Экология - ул безнең хәзергебез», - дип билгеләп үтте Ирина Плещева.

Инде дүртенче ел рәттән Россия мәктәп укучыларының Татарстан Республикасы хәрәкәте «Сәләт» яшьләр оешмасы белән хезмәттәшлек итә һәм иҗат тандемында республика гына түгел, Россия Федерациясе мәктәп үзидарәсе лидерларын берләштерүче ачык сменалар үткәрә. Ел саен "Leaders Biler Forum"да 1200 активист катнаша.

Катнашучыларны әйдәп баручы экологлардан, төрле эшчәнлек өлкәләреннән профессионаллардан һәм балалар һәм яшьләр инициативаларын үстерүчеләрдән өч көн белем бирү мастер-класслары көтә, алар Россия мәктәп укучылары хәрәкәте өчен чынбарлык һәм киләчәкне булдыра.

Укучылар барлыгы 75 тематик сессиядә булачак, анда табигатьне саклауның нәтиҗәле ысуллары турында белә алачак, уңышның нәрсәдән башлануын һәм үз тормыш юлын ничек сайларга икәнен аңлаячак. Шулай ук Татарстан Республикасы балалар һәм яшьләр спорт мәктәбеннән өч масштаблы интерактив уен уздыру планлаштырыла, алар форумда катнашучыларны оешманың тарихы, традицияләре һәм проектлары белән таныштырачак.