Татарстанда июль аенда бурычлы кешеләрнең 86 млн сумлык 28 милек объекты сатылган

Узган ай нәтиҗәләре буенча, Россия күләмендә аукционнар аша барлыгы 980 млн сумлык 310 объект реализацияләнгән. Бу хакта Россия Федераль салым хезмәтенең Татарстан Республикасы буенча идарәсе матбугат хезмәте хәбәр итте. Алынган мәгълүматларга караганда, бурычлы кешеләрнең милеген сатып алу турындагы тәкъдимнәр төрле электрон аукцион мәйданчыкларында урнаштырыла. Эзләүне җиңеләйтү өчен «Банкротлар милеге витринасы» сервисы булдырылган. Ул төрле мәйданчыклардагы тәкъдимнәрне бердәм мәгълүмат киңлегендә туплый. Бу объектларны кулай бәядән оператив рәвештә табарга мөмкинлек бирә. Вакыт җитмәгән очракта, профессиональ агентлар хезмәтеннән файдаланырга мөмкин.

Бүгенге көндә сайтта 29 төбәктән игъланнар урнаштырылган, проектның географиясе киңәюен дәвам итә. Алар арасында күчемсез милек, җир кишәрлекләре, транспорт, техника, җиһазлар, коммерция объектлары һәм башка активлар бар.«Банкротлар милеге витринасы» эшли башлагач, объектларны эзләү тәртибе үзгәргән: хәзер аукцион мәйданчыкларын аерым-аерым күзәтеп бару зарурлыгы юк. Кулланучы башта барлык булган объектлар белән бердәм сервис аша таныша, аннары конкрет тәкъдимнәрне сайлауга күчә ала.

Шулай итеп, банкротлар милеген сату буенча аукционнар киң даирә кешеләр өчен дә кулланырлык механизмга әверелгән. Ә «Банкротлар милеге витринасы» сервисы әлеге базарга керү өчен универсаль мәйдан булып тора, аукционда катнашучылар белән эшләүне уңайлы, ачык һәм нәтиҗәле итә.

«Татар-информ»