Татарстанда читтән торып эшләүгә гомуми таләпләр юк

Татарстанда читтән торып эшләүгә күчәргә яки читтән торып белем алырга планлаштырмыйлар. Бу хакта бүген “Татар-информ” мәгълүмат агентлыгында узган матбугат конференциясендә ТР буенча Роспотребнадзор идарәсе җитәкчесе урынбасары Любовь Авдонина сөйләде.

"Авыручыларның саны көтелмәгәнчә күп түгел. Шуңа күрә читтән торып эшләү турында, нинди дә булса коллектив, предприятие, оешма килеп туган хәлдән чыгып хәл ителә. Кирәк булганда җитәкче мондый карарны кабул итә ала ", - дип билгеләде ул.

Авдонина билгеләп үткәнчә, дистанцион белем алуга күчү яки читтән торып эшләү турындагы гомуми таләпләр юк һәм планлаштырылмаган да.