Яшел Үзәндә бу атнада 29 градуска кадәр җылына

Татарстанда бу атнада 29 градуска кадәр җылына, дип хәбәр иттеләр ТР Гидрометүзәге синоптиклары.

Бүген, 25 августта, республикада җылы һава торышы - +21... +26 градус. Караңгы вакытта явым-төшемнең ихтималы аз, ә көндез бераз яңгыр явачак.

Чәршәмбе, 26 августта, Татарстан антициклонның көнбатыш перифериясе йогынтысында булачак. Төнлә һәм иртән явым-төшем фаразланмый, ә менә көннең икенче яртысында җилнең көчәюе 15-18 м/с ка кадәр, яңгырлар һәм яшеннәр булырга мөмкин.

27 һәм 28 августта +24... +29 градус. Урыны белән яңгырлар булырга мөмкин.

29 августтан синоптиклар һава торышының җитди начараюын фаразлый: яңгырлар һәм яшеннәр, шулай ук, температура түбәнәю көтелә.