Татарстанда атна ахырына кадәр яңгырлар һәм җил белән кызу һава торышы саклана

Якын көннәрдә Татарстанда кыска вакытлы яңгырлар һәм җил көчәюе көтелә. Шул ук вакытта һава температурасы төшми.

Шулай итеп, 15 һәм 16 июньдә термометр баганалары +31 градуска кадәр күтәреләчәк, кыска вакытлы яңгырлар явачак, яшенле яңгыр көтелә, урыны белән 20-22 метрга кадәр көчле җил көтелә, дип кисәтә метеорологлар.

17 июньдә эсселек +25 градуска кадәр төшәчәк, шул ук вакытта яңгырлар Татарстанның көнчыгыш районнарында гына булачак.

Җомга, 18 июньдә, һава торышы республикада алмашынучан болытлы, явым-төшем көтелми. Көндез һава + 24 градуска кадәр җылыначак.

Шимбә, 19 июньдә, +28 градуска кадәр җылыначак һәм урыны белән кыска вакытлы яңгырлар явачак.