Татарстанда 1 яшьлек бала өченче кат тәрәзәсеннән егылып төшкән

Лениногорск районында өченче кат тәрәзәсеннән 1 яшь тә 4 айлык бала егылып төшкән. Сабый тәрәзә төбенә менеп, москит челтәренә таянган. Һәлакәт урынына кичекмәстән ашыгыч медицина ярдәме бригадасы чакыртылган, табиплар балага орператив рәвештә беренче ярдәм күрсәткән. Баланың баш мие селкенгән, ияге сынган һәм битендә авыр җәрәхәтләр барлыкка килгән. Хәзерге вакытта сабый реанимация бүлегендә табиплар күзәтүе астында ята.

Игътибарлы булыгыз! Тәрәзәләрне ачык калдырмагыз!