Татарстан машина йөртүчеләрен махсус наклейкалар белән бүләкләячәкләр
Дәүләт автоинспекциясендә һәр ел нәтиҗәләре буенча юл йөрү кагыйдәләрен бер тапкыр да бозмаган һәм авариягә эләкмәгән машина йөртүчеләрен хуплаячаклар.
«Татар-информ» мәгълүмат агентлыгында узган матбугат конференциясендә ТР баш дәүләт автоинспекторы Ленар Габдрахманов билгеләп үткәнчә, ведомство юл хәрәкәте кагыйдәләрен бозучыларны җәзага тарту гына түгел, ә аларны үтәүчеләрне хуплау инициативасы белән чыга.
"Тиздән бу акциянең башлануы турында игълан итәчәкбез. Катнашучыларга махсус наклейкалар таратылачак, ә ел азагында без нәтиҗәләр ясаячакбыз", - диде ЮХИДИ башлыгы.
Ленар Габдрахманов акциядә катнашучыларның башка Татарстан машина йөртүчеләре өчен үрнәк булачагына һәм республика юлларында һәлакәтләрне киметергә ярдәм итәчәгенә ышаныч белдерде.
Следите за самым важным и интересным в Telegram-каналеТатмедиа
Нет комментариев