«Татарстан көзгесе» Бөтенроссия экопроектлар конкурсында тавыш бирүдә җиңде

Татарстан экопроекты “Татарстанның зәңгәрсу күлләрен” төзекләндерү буенча Бөтенроссия экотуризмны үстерү конкурсында халык тавыш бирүендә җиңде, дип хәбәр итә ТРда туристлык-рекреацион кластерларны үстерү буенча команда.

«Татарстанлыларның актив ярдәме белән «Татарстан көзгесе» экокластеры туристик-рекреацион кластерлар булдыру һәм экотуризм үсеше буенча бөтенроссия конкурсында беренче урынны алды», - диелә хәбәрдә.

Проект 18 мең 476 лайк җыйды. Тавыш бирүдә барлыгы 36 финалист катнашты.
Конкурста катнашкан икенче Татарстан проекты, “Кама Тамагы” экокурорты шулай ук халык тавыш бирү нәтиҗәләре буенча топ-10га эләкте. Ул, 8 мең 810 тавыш җыеп, дүртенче урында калды.

Бүген, 16 октябрь көнне Тулада халык тавыш бирү һәм бөтен конкурс җиңүчеләрен бүләкләү тантанасы узачак. Жюри федераль ярдәм алачак проектларны игълан итәчәк. Шунда ук халык тавыш бирүендә җиңүче буларак «Татарстан көзгесе» экокластеры нинди приз алачагы билгеле булачак.