Татарстан хакимияте Яңа ел бәйрәмнәрендә пиротехника куллануны тыйды

Республикада янгынга каршы махсус режимны үтәү буенча тиешле документ Татарстанның хокукый мәгълүмат рәсми порталында бастырылган.

Бу чордан сәнәгать, транспорт инфраструктурасы, ягулык-энергетика комплексы чикләреннән 500 метр ераклыкта урнашкан территорияләрдә салют җибәрү тыелачак. Моннан тыш, ТКХ объектлары, авыл хуҗалыгы һәм кешеләр күп була торган объектлар чикләреннән 50 метр ераклыкта пиротехник эшләнмәләр куллану тыела.