Татарстан чаңгычысы Андрей Ларьков Пхёнчханда Олимпиадада бронза медаль яулады
(Казан, 24 февраль, «Татар-информ»). Пхёнчханда Олимпиада уеннарында Россия чаңгычылары уңышка иреште.
Татарстан чаңгычысы Андрей Ларьков, 50 км га классик стиль белән узышып, бронза медальле булды. Тагын бер Россия чаңгычысы - Александр Большунов - шул ук дистанциядә көмеш медаль алды.
Фин Ииво Нисканен Олимпия чемпионы булды. Бу хакта "Газета.Ру" хәбәр итә.
Фин Нисканен дистанцияне 2 сәгать 8 минут 22,1 секундта узды. Большунов, аннан - 18,7 секундка, ә Ларьков 2 минут 37,5 секундка калышты..
Исегезгә төшерәбез: Татарстан чаңгычысы Андрей Ларьков Пхенчханда Олимпия уеннарында көмеш медальгә ия булган иде инде. Ул Россия ир-атлар командасы составында 4х10 км эстафетада икенче урынны алды.
Следите за самым важным и интересным в Telegram-каналеТатмедиа
Нет комментариев