Татарстан берләштерелгән бюджет керемнәре күләме буенча Россиянең 5 алдынгы төбәге исемлегенә керде

Әлеге нәтиҗә агымдагы 2024 елның гыйнвар ае буенча билгеле булуын матбугат конференциясендә хәбәр иттеләр.

«Татарстаннан бу тармакта Мәскәү, Санкт-Петербург, Мәскәү һәм Краснодар өлкәләре генә алдарак. Шулай итеп бу күрсәткеч белән Татарстан белән Идел буе федераль округы төбәкләре арасында да лидерлык позицияләрендә тора», — диде Татарстан Республикасы финанс Министры урынбасары Алла Анфимова.

Республиканың берләштерелгән бюджетына салым һәм салым булмаган керемнәр 22,9 млрд сум тәшкил иткән. Шул исәптән ТР бюджетына 19,2 млрд сум, җирле бюджетларга — 3,7 млрд сум керем булган.

Гыйнвар аенда Татарстанның берләштерелгән бюджет чыгымнары 29,7 млрд сум булган. Иң зур чыгымнар социаль һәм мәдәни өлкәләрдә булуы билгеле. 2023 елда Татарстанның берләштерелгән бюджеты керемнәре 565,7 миллиард сум тәшкил иткән, бу еллык план белән чагыштырганда 7,31 миллиард сумга күбрәк.

«Быел Татарстанда илкүләм проектларны гамәлгә ашыру өчен 25,5 млрд сум биреләчәк. 13 илкүләм проект кысаларындагы чараларны финанслау 25,5 млрд сумны, шул исәптән федераль бюджеттан 14,1, Татарстан бюджетыннан 11,4 млрд сумны тәшкил итте», — дип бәян итте республиканың финнанс Министры урынбасары Гела Герасимова.