«Татар-информ» агентлыгы Кытайның «XXI век» газетасы белән килешү имзалады

«Кытайдагы коллегалар белән төзелгән килешү – безнең хезмәттәшлек буенча зур эшнең бер өлеше. Без Кытай белән актив хезмәттәшлек итәбез, Казандагы генераль консуллык белән мөнәсәбәтләребез җылы, хезмәткәрләребез Кытайга матбугат турларына барды. Бүгенге документның зур нәтиҗәләр китерәчәгенә ышанам», - дип белдерде «Татар-информ» агентлыгының баш редакторы Ринат Билалов.

Аның фикеренчә, мондый төрдәге хезмәттәшлек көнчыгыштагы партнерлар турында күбрәк мәгълүмат белергә мөмкинлек бирә. Кытай журналистлары үз чиратында Россия һәм Татарстанда баручы вакыйгаларны яктырта ала.

Әлеге килешүне имзалауда «Татмедиа» агентлыгы җитәкчесе урынбасары Илдар Миргалимов та катнашты.