ТАССРның 100 еллыгына “100 легендар бренд” тавыш бирүнең 1 нче этабы җиңүчеләре аталды

"100 легендар бренд" тавыш бирүнең беренче этабында ТАССРның 100 еллыгына беренче 57 җиңүче билгеле булды, дип хәбәр итә Республика матбугат һәм массакүләм коммуникацияләр агентлыгының "Татмедиа" матбугат хезмәтләре һәм җәмәгатьчелек белән эшләү бүлеге. 

Җиңүчеләр арасында КАМАЗ, Казан Кремле, Татнефть, Зөя утрау-шәһәрчеге кебек брендлар бар. Җиңүчеләрнең тулы исемлеге http://100brand.ru/ сайтында басылып чыкты. 

1 марттан 31 мартка кадәр тавыш бирүнең икенче этабы узачак, анда тагын 43 бренд катнаша, һәр районга берәр бренд сайланачак. Татарстанның барлык районнарының тарихын, җитештерү һәм мәдәни дәрәҗәсен чагылдыручы оешмалар һәм предприятиеләр арасында конкуренция үсә барачак. 

Тавыш бирү 1 мартта сылтама буенча мөмкин булачак.