Шәһәр күле территориясендә яңа җәмәгать бәдрәфе ачылды

Күңелле ял вакытын җәмәгать бәдрәфе булмау гына боза иде. Яшел үзәнлеләр шәһәр мэры Михаил Афанасьевка күл территориясендә андый бик кирәкле объектны кую үтенече белән мөрәҗәгать иттеләр.

- Бүгенге көннән бушлай бәдрәф ачык. Барлык кирәкле инженерлык коммуникацияләре үткәрелде. Биредә ике уңайлы кабинет һәм барысы да бар, - дип билгеләп үттеләр ТКХ Департаментында.

Моннан тыш, Михаил Павлович җаваплы хезмәтләргә шәһәр объектларын мөмкин кадәр күбрәк бушлай санитар кабиналар белән тәэмин итү мәсьәләсен карарга кушты.

Бүгенге көндә Яшел Үзәндә 5 җәмәгать бәдрәфе бар: шәһәр пляжы, "Родина", "Авангард" парклары, "Каенлык" һәм шәһәр күле территориясендә.