Сак булыгыз: талпаннар активлыгы арта

2023 елның 8 аенда безнең районда талпан тешләвеннән 268 кеше, шул исәптән 66 бала зыян күргән.

Бер атна эчендә 28 августтан 3 сентябрьгә кадәр дәвалау учреждениеләренә талпаннан зыян күреп 21 кеше мөрәҗәгать иткән, бу узган елның шул ук чорына караганда 3 тапкырга күбрәк.

Август аенда талпаннар актив түгел, шуңа күрә алардан курыкмаска мөмкин дигән фикер бар. Роспотребнадзорның ТР буенча идарәсе Яшел Үзән территориаль бүлегенең баш белгече Ирина Фадеева ни өчен алай булмавы  турында сөйләде.

- Август-сентябрь айларында талпан активлыгы яз белән чагыштырганда бераз кими.Әмма тешләү ягыннан активлыкның кимүе куркыныч инфекцияләр китереп чыгаручы талпаннар белән зарарлануның % кимүен аңлатмый.

Шул ук вакытта сентябрь-октябрь айларында талпаннар кабат активлаша һәм тешләү куркынычы арта. Активлык өчен төп шарт уртача тәүлеклек температурасы +6 градус.
Сак булыгыз!