РОСТО спартакиадасында сынатмадылар

Спортның хәрби-гамәли төрләре буенча зональ спартакиадада Яшел Үзән командасы - I алды, ә республика ярышларында лаеклы II урынга чыкты.
Яшел Үзән данын механика көллиятендә укучы булачак солдатлар һәм ДОСААФның Яшел Үзән бүлеген тәмамлаучылар яклады.
Республика ярышларында безнекеләр лаеклы чыгыш ясады - гер күтәрү буенча - III, Калашников автоматын кору буенча -II, канат тарту буенча - II, пневматик винтовкадан ату буенча -II, КамАЗ йөртү буенча III урынны яулады. Команданың җитәкчесе - Сергей Носков.