Россия Сәламәтлек саклау министрлыгы, пациентны табибка кабул итүгә язганда тыелган сүзләр һәм сүзтезмәләр исемлеген төзеде

"Ир-ат" («мужчина»), "хатын-кыз" («женщина»), "яшь кеше" («молодой человек») һәм "кыз" («девушка») кебек мөрәҗәгатьләр тыела. Пациентларга исем яки "сез" дип мөрәҗәгать итәргә кирәк.

Ваемсызлыкны күрсәтүче яки пациентка авыруы өчен гаепләү фразаларын кулланырга ярамый. Мәсәлән, "ә безнең моңа ни катнашыбыз бар?", "сез нәрсәдер бутыйсыз", "сез мине ишетмисез” кебекләрне.

Һәр кечерәйтүле-ягымлы һәм "булдыра алмыйм" дигән сүзләр хата дип танылды .

Белгечләр табиб һәм пациентның аралашуы җылырак һәм конструктив булыр дип саныйлар.