Республикада тагын ике үлем очрагы расланды

1948 елгы хатын-кыз инфекция хастаханәсенә китерелгән. Хроник авырулар да була.

1953 елгы ир-ат үпкә ялкынсынуы белән хастаханәгә озатыла. Хәле йөрәк җитешсезлеге фонында начарлана.

Үлем сәбәпләре патологоанатомик экспертиза нәтиҗәсендә ачыкланган.

Туганнары һәм якыннарының кайгысын уртаклашабыз.

Исегезгә төшерәбез, 2 ноябрьгә булган мәгълүматларга караганда, татарстанлыларның COVID-19дан 112 үлем очрагы теркәлгән, дип хәбәр итә ТР Сәламәтлек саклау министрлыгы матбугат хезмәте.