Район башлыгы яшел үзәнлеләрне бәйрәм белән тәбрикли!

23 февраль – сугышчан намус, Россиянең даны һәм горурлыгы көне. Һәр россияле өчен бу бәйрәм буыннарның өзелмәс чылбыры, хәрбиләр хезмәтенә карата  тирән хөрмәтне аңлата. Бу көнне Ватан, ил кебек төшенчәләр  –  буш сүзләр булмаган  чын ирләрне данлыйбыз.
Без илебезнең героик тарихы белән горурланабыз, ата-бабаларыбызның батырлыгын саклыйбыз. Илебезнең иреге һәм бәйсезлеге  өчен башын салган Геройларны искә алабыз.
 Бу көнне  Бөек Ватан сугышы ветераннары, сугышчы-интернационалистлар, Кораллы Көчләребезнең солдатлары һәм офицерлары, шулай ук гражданлык бурычын үтәргә әзерләнүчеләр  алдында башыбызны иябез. Сезнең тормышыгыз – илебезгә фидакарьләрчә хезмәт итү, героизм һәм батырлык үрнәге.
Хөрмәтле Ватанны саклаучылар! Чын күңелебездән баш очыбыздагы күк йөзенең тыныч булуын, сәламәтлек,  муллык,  үзегезгә һәм гаиләләрегезгә бәхет телим.

Александр Тыгин,
Яшел Үзән муниципаль район башлыгы.