Норлатның «Җырлы күңел»е имтихан тоткан

Биредә өлкән яшьтәге китап укучылар вакытларын файдалы итеп уздыра.

8 март бәйрәме уңаеннан мәдәният йортында түгәрәккә йөрүчеләр бик матур концерт күрсәткән. Ә аларны котларга «Ак Барс» суднолар төзү корпорациясе» директоры Ренат Мистахов, районның ветераннар Советы рәисе Тәлгать Гыйззәтуллин килгән иде. Депутат киләсе билгеле булгач, тизарада матур күлмәкләр, калфаклар тегелгән, ныклы әзерлек башланган. Кунаклар буш кул белән килмәгән: депутат сәхнә костюмнары тегү өчен сертификат тапшырган. Түгәрәккә йөрүчеләр бу көнне имтиханны уңышлы тапшырды, афәрин!