Норлат укытучылары укучылар белән көч сынашты

Укытучыларга волейбол мәйданчыгына 11А кл командасы каршы чыкты, чөнки нәкь менә алар волейбол буенча мәктәп турнирында беренче урынны яулаган иде. Дустанә мөнөсөбәт һәм спорт дәрте хакимлек итте биредә! Барлыгы 4 партия уйналып, нәтиҗәдә, укучылар командасы 3:1 исәбе белән җиңеп чыкты. Шуңа да карамастан, җиңелүче булмады. Чөнки ярыштан барысы да уңай хис-кичерешләр һәм якты тәэсирләр алып китте. Ә укытучылар командасы 22 февральдә янәдән очрашырга чакырды.