Мәскәү журналистлары Яшел Үзән сәнгать мәктәбен ошатты

Алар Казан объектларында булды, Зөя утрау-шәһәрчегенә сәяхәт кылды һәм Яшел Үзәнгә шәһәренә дә сугылды. Төп максат - "Мәдәният" федераль милли проекты буенча капиталь ремонт ясалучы балалар сәнгать мәктәбен карау.

Күптән түгел генә биредә инструментлар - фортепьяно, саксофоннар, балалайка, домра, флейта, кларнетлар сатып алынды, рәссамнар өчен - мольбертлар, чуклар һәм башкалар булдырылды, бинада яңа җиһазлар урнаштырылды. Җиһазлар барлыгы җиде миллион сумга сатып алынган, ә ремонт эшләренең бәясе - 59 миллион сум.

Кунаклар күргәннәрдән канәгать калды, бигрәк тә аларны мәктәп дивары коридорларында тәрбияләнүчеләрнең эшләре эленү гаҗәпләндерде, чөнки Мәскәүдә балалар иҗатын стимуллаштыруның гади генә шушы алымы ни өчендер гамәлдә түгел.