Михаил Афанасьев районның иң ерак авылларында – Акъегет һәм Күгештә булды

Күгеш авылында Михаил Афанасьев яңа клуб төзелешенең барышы белән танышты. Аңа эшләр график буенча алып барыла, объектны тапшыру 2021 елның августында планлаштырыла, дип хәбәр иттеләр. Район башлыгы сүзләренә караганда, бу урынны мәдәният йорты, балалар бакчасы, мәктәп, балалар мәйданчыклары белән бергә тулы бер комплекс итеп карарга, шулай ук биредә авыл халкы өчен ял паркы ясарга була дип белдерде. Шулай ук, Михаил Афанасьев җирле ФАПны карады.

Акъегет авылында исә җирлек башкарма комитеты бинасы төзелеше буенча киңәшмә узды. Анда объектны урнаштыру вариантлары турында фикер алыштылар. Аннары барысы да мәдәният йортында узды. Район башлыгы бинаны яңартырга кирәклеген билгеләп үтте һәм тиешле җитәкчеләргә бәясен исәпләргә кушты.

Моннан тыш, район башлыгы элек сәүдәгәрләр йорты булган 1876 елгы авыл мәчетендә дә булды. Михаил Афанасьев, бу бинаны туристларга күрсәтергә мөмкин булуын белдерде.

"Әйдәгез, бу мәсьәләне уйлашыйк", - дип мөрәҗәгать итте ул хезмәттәшләренә.

Бу хатка район Советы матбугат хезмәте хәбәр итә.