Михаил Афанасьев авыл хуҗалыгы предприятиеләрендә, «КАМАЗ» сервис үзәгендә булды һәм "Залив" торак комплексы проекты белән танышты

Октябрьский бистәсендә «Залив»торак комплексын төзү проекты буенча фикер алыштылар. Биредә элеккеге кошчылык комплексы урынында 78 мең квадрат метр торак төзү планлаштырыла, инвестицияләр күләме 4 миллиард сум тәшкил итәчәк. «Залив» торак комплексы экологик чиста районда урнашачак, анда күп функцияле үзәк, социаль объектлар, балалар һәм спорт мәйданчыклары төзү каралган, «машинасыз ишегалды»н төзекләндерү планлаштырыла.

Осиново авыл җирлегендә Михаил Афанасьев «КАМАЗ» сервис үзәге, «Ак Барс» кошчылык комплексы - «Пестречинка» ҖЧҖ һәм «Гудакен»авыл хуҗалыгы кооперативы эшчәнлеге белән танышты.

«Пестречинка» предприятиесе кош итеннән продукция сата, предприятие өлешенә Татарстан Республикасында җитештерелә торган продукциянең гомуми күләменнән 40% бройлер ите туры килә. Компания тарафыннан сатыла торган тавык продукциясенең киң ассортиментында 200дән артык кош ите, ярымфабрикатлар һәм аннан субпродуктлар, «Хәләл»стандартлары буенча җитештерелә торган колбаса һәм ысланган эшләнмәләрнең киң ассортименты бар.