Махсус хәрби операциядә катнашучыларның әниләре экскурсиядә
Норлат авылыннан махсус хәрби операциядә катнашучыларның әти-әниләре, «Халык фронты» волонтерлары республикабыз башкаласына экскурсиягә барды.
Шулай итеп, азга гына булса да, борчу-мәшәкатьләрне онытып, күңелләре белән ял итәргә мөмкинлек тудырылды.
Сәфәрне Казанның «Игелекле эш» хәйрия фонды җитәкчесе Фидаил Шиһапов оештырды.
Райондашларыбыз Казан Кремле территориясендә булды, «Кол-Шәриф» мәчетендә күмәк намаз укыды. Кәрим Тинчурин исемендәге театрда «Син бит минем бергенәм» спектаклен карады. Театр кафесында тәмләп төшке аш белән тукландылар. Сәяхәт һәркемдә искиткеч уңай тәэсирләр калдырды.
Экскурсиядә барлыгы 40 кеше катнашты. Катнашучылар Яшел Үзән районы башлыгы Михаил Афанасьевка чараны оештыруда һәм автобус бирүдә ярдәм иткәне өчен рәхмәтен белдерә.
Следите за самым важным и интересным в Telegram-каналеТатмедиа
Нет комментариев