Куртка урлап тотылган

Дзержинский урамындагы кибеткә 27 яшьлек ир куртка сатып алырга керә һәм сатучы күрмәгәндә аның өчен түләмичә чыгып китмәкче була. Әмма сатучы аның каршына чыга. Шул вакытта егет пычак чыгарып сатучыга селтәнә башлый. Сатучы куркып кала торганнардан булмый һәм каракның кулыннан пычакны тартып алырга өлгерә. Шулай да җинаятьче куртка белән бергә ычкынырга өлгерә. Полиция хезмәткәрләре тикшерү нәтиҗәсендә элек үтерү өчен хөкем ителгән һәм ике ай элек кенә иреккә чыккан 27 яшьлек егетнең эзенә төшә.