Коронавирустан антитәнчекләр "Спутник V"ның икенче прививкасыннан соң гына барлыкка килә

Яңа коронавирус инфекциясенә каршы булучы антитәнчекләр "Спутник V" вакцинациясенең икенче фазасыннан соң гына барлыкка килә. Бу хакта “Татар-информ” мәгълүмат агентлыгында узган матбугат конференциясендә ТР сәламәтлек саклау министры урынбасары Владимир Жаворонков сөйләде.

"Без сезнең белән вакцинациянең 21 көн аралыгында ике этапта узуын истә тотарга тиеш. Һәм антитәнчекләр бездә икенче этаптан соң барлыкка килә ", - диде спикер.

"Организм икенче этаптан соң вакцинация нәтиҗәсендә яклана", - дип өстәде министр урынбасары.