Хакимият Татарстанда май бәйрәмнәреннән соң үзизоляцияләү режимы ничек үзгәрәчәген әйтте

Татарстан Хөкүмәте Covid-19 коронавирсын тарату шартларында үз-үзен изоляцияләү режимы турындагы карарны яңартты. Документ хокукый мәгълүмат порталында бастырылган. "Гражданнарга үз-үзен изоляцияләү режимын үтәргә, яшәү (булу) урынын калдырмаска, башка гражданнар белән үзара хезмәттәшлекне максималь чикләргә тәкъдим итәргә", - диелә Министрлар Кабинеты карарында.

12 майдан кайбер үзгәрешләр кертелә. Шулай итеп, документта гражданнарның берәмләп сату, хезмәтләр күрсәтү объектларында, пассажирлар йөртү һәм багаж ташу, таксида, транспортта, шулай ук җәмәгать урыннарында индивидуаль яклау чараларыннан - медицина битлеге яки респиратор һәм перчаткалардан башка йөрү тыела.

Гражданнарга спорт һәм балалар уен мәйданчыкларында, шул исәптән күпфатирлы йортлар ишегалларында урнашкан мәйданчыкларда йөрергә ярамый. Тыю күрсәтелгән объектларга хезмәт күрсәтүче оешма хезмәткәрләренә кагылмый.

Шул ук көннән даими рейслар маршрутларыннан кала, муниципальара пассажирлар һәм багаж ташу тыела.
Шул ук вакытта Татарстан хакимияте кайбер йомшартулар да кертте. Аерым керү-чыгу урыны булган очракта, 400 квадрат метрга кадәр мәйданда, автосалоннар, ЗАГС органнары һәм сәүдә заллары эше рөхсәт ителә. Шул ук вакытта никахлашу тантанасынада кунаклар саны 10 кешедән дә артык булмаска тиеш.