Казаннан Новороссийскига «Свияжск-Зернопродукт» элеватор комплексы аша бодай төягән беренче йөк экспрессы җибәрелде

Йөкнең гомуми авырлыгы 3 мең тонна тәшкил иткән. Новороссийскка килгәннән соң бодай Төркиягә экспортланачак.

- Бу Татарстаннан тимер юл аша авыл хуҗалыгы продукциясен тулы тимер юл составы белән җибәрүнең беренче очрагы. Иң яхшы очракта, 10 вагон җибәрелә иде, бу югалтуларга китерә, нәтиҗәдә билгеләнгән пунктка кадәр аерым вагоннар бер ай һәм аннан да күбрәк барырга мөмкин иде, - дип билгеләде «Август-Агро» ИК генераль директоры Айдар Галәветдинов.

ЯҮМР матбугат хезмәте