Казанда яшәүче Мари Илендә велосипедта балаларга карата җенси көч кулланган

Ир-атны биш елга каты режимлы колониягә хөкем итәләр, алга таба иреген 1,5 елга чиклиләр, дип хәбәр итәләр Мари Эл тикшерү комитетында.

"Бу хөкем әлегә законлы көченә кермәгән", - дип билгеләп үттеләр ведомствода.

Барысы да 2021 елның июлендә башлана. Волжск шәһәрендә урамда билгесез ир-ат велосипедта әле 12 яшьләре дә тулмаган дүрт кыз янына килә. Ул аларга карата җенси характердагы гамәлләр кыла. Шуннан соң җинаятьче качып китә.

Аны озак вакыт кем булуын ачыклый һәм таба алмыйлар. Ул 2023 елның язында гына кабат Волжскида пәйда була. Бу юлы ир-атның корбаны итеп 10 яшьлек кызны сайлый. Хәзер ул элеккеге кебек качып өлгерми. Җинаятьчене җирле полиция тоткарлый. Ул Казанда яшәүче булып чыга. Аңа карата шунда ук җинаять эше кузгатыла һәм кулга алына.

Чыганак:region116.dtp.official | Регион 116