КАРАШӘМДӘ – “ПОЛЕ ЧУДЕС”
Авылларда уздырылган кызыклы бәйрәм чаралары турында фикер алышканда, Карашәмнең 53 еллыгын билгеләүче агач клубында оештырылган “Могҗизалар кыры” (“Поле чудес”) уенын игътибарсыз калдырып булмый.
Ул үзенчәлекле, кызыклы һәм эчтәлекле булды. Татар Әҗәле һәм Карашәм хатын-кызлары катнашындагы чара ТАССРның 100 еллыгына багышланган иде. Сораулары да һәм аларга бирелгән җаваплар кызыклы булды. Ә инде, нәкъ телевизордагы кебек әзерләнгән кара әрҗә, үзе генә дә могҗиза янчыгыдай серле күренде. Приз секторы туры килүче конкурсантлар, акча яки приз сайлады. Аның иң кызыклысы, әлбәттә, ярты метрлы кишер иде. “Могҗизалар кыры”ның җиңүчесе булып, карашәмле Сания Кадыйрова калды.
Следите за самым важным и интересным в Telegram-каналеТатмедиа
Нет комментариев