Инфекционист Covid-19 авыруы август урталарыннан артыр дип фаразлый

"Ярты ел узды, иммунитет кими һәм кешеләр кабат авырый... Теләсә кайсы очракта авырулар саны август уртасыннан һәм көздән артачак. Мәсьәлә инфекциянең авырлыгыннан торачак", - дип билгеләп үтте белгеч.

Шул ук вакытта табиб, статистикага таянып, Россиядә коронавирус белән авырып госпитализацияләнгән пациентлар санының артуы әлегә күзәтелмәвен билгеләп үтте.

Алга таба эпидемия вәзгыяте кешеләрдә инфекциягә иммунитетның ни дәрәҗәдә кимүенә һәм ул кабат чирдән, шулай ук SARS-CoV-2 коронавирусының яңа мутацияләренә каршы тора алучанлыгына бәйле булачак, дип өстәде Тимаков.