Яшел Үзән районындагы Утрау глэмпингында оныклары күз алдында олы яшьтәге хатын-кызны кыйнаганнар (видео)

Утрау ял итү комплексында Елена исемле 59 яшьтәге хатын-кыз кыйналган. Әлеге хәл ханым оныклары белән бассейн янында ял иткән вакытта булган. Шаһитлар сүзләре буенча, бер яшь хатын Еленаның оныкларына тупас тавыш белән бассейн яныннан китәргә боерык биргән. Елена хатын-кыздан әдәплерәк булуын сорагач, яшь кыз аңа карата физик көч кулланган.

Ханым полициягә мөрәҗәгать итмәгән.
Әлеге инцидентның башка нечкәлекләре билгеле түгел, Утрау җитәкчелеге комментарий бирүдән баш тарткан.