Татарстанда яшь журналистларга ярдәм итү һәм мәктәп медиаүзәкләрен үстерү максатыннан яңа проект старт алды — «Ялкын» мәктәп медиасының беренче республика патриотик фестиваленә катнашу өчен гаризалар кабул ителә башлады.
Фестивальдә республиканың гомуми белем бирү мәктәпләреннән медиа командалар катнаша ала: мәктәп газеталары, журналлары, радио- һәм телестудияләр, SMM-проектлар һәм башка форматлар тәкъдим ителергә мөмкин. Чарада 12 яшьтән 18 яшькә кадәрге укучылар катнаша ала. Җиңүчеләр ике төп номинациядә билгеләнәчәк: «Рус телендә мәктәп медиасы» һәм «Татар телендә мәктәп медиасы».
Фестиваль турында тулырак мәгълүматны «Ялкын» журналының сайтында, социаль челтәрләрдә, шулай ук фестивальнең рәсми Telegram-каналында (@mediafestyalkin) табарга мөмкин. Катнашу өчен гаризаны онлайн-форма аша бирергә була: https://forms.yandex.ru/u/691da4e44936392b561cf9bd/
Нет комментариев