Якшәмбе көнне Казанда берьюлы ике кечкенә бала ис газыннан агуланган

Бер яшьлек кыз утын белән җылытылган мунчада ис газыннан агуланган. Аны уртача авыр хәлдә Республика балалар клиник хастаханәсенә алып киткәннәр.

Тагын бер вакыйга Парк урамы, 5 адресы буенча урнашкан биш катлы йорттагы фатирларның берсендә кичке унда килеп чыккан. Яңа туган кыз баланы уртача авыр хәлдә хастаханәгә илтәләр. Шулай ук, 30 яшьлек хатын-кыз зыян күргән. Ул госпитализациядән баш тарткан.