Гарьлек. Капка төбемдә штраф «чәпәп» киттеләр

– Алкогольле эчемлекләрне түбәндәге урыннарда, шул исәптән туктап торган автомобильдә дә, эчү тыела (22.11.1995 елдан гамәлдә булган №171-ФЗ законның 16нчы маддәсе, 7нче пункты):
 ишегалларында, капка төпләрендә;
 балалар мәйданчыкларында;
 шәһәр урманнары, скверлары, парклары, шәһәр бакчалары, буа һәм күлләр, су саклагычлар, пляжлар биләгән, ял, туризм, физик культура һәм спорт белән шөгыльләнү өчен билгеләнгән территория чикләрендә; 
 күпләп һәм берәмләп сату базарларында;
 автозаправка станцияләрендә;
 хәрби объектларда; 
 РФ дәүләт хакимияте органнары билгеләгән югары дәрәҗәдәге куркыныч чыганаклары булып саналган субъектлар урнашкан урыннарда;
 публика чаралары (җыелышлар, митинглар, демонстрацияләр, пикетлар) уздырыла торган вакытта халык күп җыелган урыннарда һәм шуның тирәсендә.
Атап үтелгән әлеге урыннарда алкогольле эчемлекләрне кулланган (эчкән) өчен 500-1500 сум күләмендәге штраф рәвешендә административ җаваплылык каралган (РФ КоАП 20.20 маддәсенең 1нче өлеше). 
Башка урыннарда һәм башка шартларда туктатылган автомобильдә спиртлы эчемлекләр куллануны гамәлдәге закончалык тыймый.

Гөлнара Вәлиева әзерләде