Гади генә яшелчә, ә файдасы...

Бу яшелчәнең һәм аның орлыкларының никадәр кыйм мәтле булуын тәҗрибәле бакчачылар да белеп бетерми. Мәсәлән, аңарда В-каротин кишердәгегә караганда 4-5 тапкырга күбрәк.

Кабак орлыклары L-аргинин һәм цинк байлыгы буенча барлык рекордларны уза, ә орлыкларында һәм үзендәге токоферол (витамин Е) күплеген исәпкә алып, кабакны ир-атларның җенси функциясен һәм фертильлеген торгызуда һәм саклауда мөһим продукт дип атарга мөмкин. Шулай ук, кабак медицинада да, диетологиядә дә, кулинариядә дә мөһим роль уйный.

Кеше сәламәтлеге өчен файдалы сыйфатлары:

• организмны токсиннардан һәм шлаклардан чистарта;
• су-тоз балансын нормаль ләштерә;
• метаболизмны стабиль ләштерә;
• артериаль кан басымын төшерә;
• гемоглабинны күтәрә;
• тукымаларның структурасын яхшырта, эластиклыгын арттыра;
• иммунитетны күтәрә;
• орлыклары организмдагы паразитларны үтерә;
• шикәр диабеты вакытында гликемик профильне тигезли;
• ашкайнатуны яхшырта;
• йөрәк мускулларын һәм кан тамырларын ныгыта.

Әлеге яшелчәне куллануны медицина күзлегеннән чыгып караганда, аны түбәндәге авырулар булганда ашарга киңәш итәләр:

• шикәр диабеты;
• гипертония;
• сидек юлларында таш булганда;
• кайсыбер ашказаны-эчәк лек авырулары вакытында (табиб рөхсәте белән);
• атеросклероз;
• салкын тигәндә;
• вакытлыча иммунитет начарланганда;
• хатын-кызларда менопау за вакытында.

Сәламәт булыгыз! Табиб белән киңәшләшергә онытмагыз!