Эшчеләргә дә, эшләмәүчеләргә дә

Россия пенсионерларына апрель дәвамында пенсия белән бергә күчереләчәк акча түләү турында сөйләделәр. Күп гражданнарга ун мең сум күләмендә мондый акчалар кергән инде, калганнарына исә 25 апрельгә кадәр көтәргә кирәк, дип хәбәр итә PRIMPRESS.

Белгечләр сүзләренчә, сүз апрельдә күп кенә өлкән яшьтәге гражданнарга күчерә башлаган махсус бер тапкыр түләү турында бара. Өстәмә түләүләр күләме 10 мең сум тәшкил итә.

Мондый түләүне барлык Бөек Ватан сугышы ветераннарына да язалар. Акча пенсионерларга апрель пенсиясе белән бергә киләчәк. Өстәвенә, акчалар өлкән яшьтәге гражданнарга аларның матди хәленә яки эш статусына бәйсез рәвештә билгеләнә: пенсионер эшли ала, ләкин ул барыбер мондый түләүне алачак.

Билгеләп үтелгәнчә, акчаны йә Россия территориясендә яшәүче, йә күрше илләрдә яшәүче сугышта катнашучылар һәм инвалидлар ала ала, мәсәлән, Эстония, Латвия һәм Литвада. Түләүләр Бөек Җиңүнең 77 еллыгы алдыннан исәпләнә.

ПФРда түләүләрнең автоматик режимда пенсионерларга һәм гаризалар бирмичә генә күчереләчәген, фондка акча артыннан мөрәҗәгать итүнең кирәге юк, дип ассызыклыйлар. Ә пенсияләрнең түләү чоры якынча 25 апрельдә тәмамлануын исәпкә алып, бу вакытка акча барлык адресатларга да җитәргә тиеш.