Дәүләт бүләге

Россия Федерациясе һәм Татарстан Республикасы дәүләт бүләкләрен тапшыру буенча тантаналы чара 12 июнь – Россия көнендә Казан Кремлендәге Губернатор сараеның Ак залында булды. Татарстанлыларга бу югары бүләкләрне Татарстан Республикасы Президенты Рөстәм Миңнеханов тапшырды. Ул аларга республиканың социаль-икътисади үсешенә керткән өлешләре өчен рәхмәтен белдерде.

Татарстан Республикасының “Фидакарь хезмәте өчен” медаленә Яшел Үзән янгын-коткару гарнизоны җитәкчесе Зөфәр Хәлиуллин да лаек булды.  Чара  гомуми фотога төшү белән тәмамланды. Аннан соң  Казан Кремленең Пушечный дворында 12 июнь – Россия көне уңаеннан тантаналы кабул итү булды.

Исегезгә төшерәбез, Зөфәр Хәлиуллин Яшел Үзән гарнизоны белән 2000 елдан бирле җитәкчелек итә. Янгын сагында аның гомуми стажы - 43 ел. Аның янгын эшен үстерүгә һәм янгынга каршы  куркынычсызлыкны булдыруга керткән өлеше  Татарстан Республикасы Эчке эшләр министрлыгы  һәм МЧС җитәкчелеге ягыннан күп тапкыр югары бәяләнде. Ә инде республика Президенты кулыннан алынган “Фидакарь хезмәте өчен” медале  Зөфәр Хәлиуллинның профессионализмының һәм намуслы хезмәтенең югары бәяләнүен тагын бер тапкыр раслады. Котлыйбыз!

Резидә Йосыпова,

Яшел Үзән янгын-коткару гарнизонының  матбугат хезмәткәре