Бәйрәм бүген, бәйрәм бүген (Фото)

Мөгаен бүген күпләребез, күңеленнән булса да, Тукай шигырьләрен сөйләгән, җырларын көйләгән, әкиятләрен күз алдыннан кичергәндер.

Бүген Яшел Үзәндә дә шигырь сөючеләр бергә җыелды. Мирный бистәсендә, шулай ук күл буенда мәктәп укучылары, ак яулыклы әбиләребез, апаларыбыз яраткан шагыйребезнең шигырьләрен рәхәтләнеп сөйләде, ә без исә сокланып тыңладык, күңелебезгә ләззәт алдык. Бу чараны шәһәребезнең үзәкләштерелгән китапханәләр системасы үткәрде.

Алия Гаязова, автор фотолары.